इशांत शर्माची प्रेमकथा चित्रपटाच्या कथेपेक्षा कमी नाही, पहिल्यांदा पत्नी प्रतिमाला पाहून काय बोलला

टीम इंडियाचा वेगवान गोलंदाज इशांत शर्माने क्रिकेट विश्वात आपली एक वेगळी ओळख निर्माण केली आहे आणि तो टीम इंडियाच्या प्रमुख गोलंदाजांपैकी एक आहे. तथापि, आतापर्यंत त्याची कारकीर्द चढउतारांनीच भरली आहे. त्याने १२ वर्षांपूर्वी २००७ मध्ये आपल्या करिअरची सुरुवात केली होती. बांगलादेशविरुद्ध २००७ मध्ये ढाका येथे पहिला कसोटी सामना खेळला होता. यानंतर इशांतने २००७ मध्ये दक्षिण आफ्रिकेविरूद्ध पहिला एकदिवसीय सामना खेळला होता. एका वर्षानंतर या वेगवान गोलंदाजाने टी -२० मध्येही पदार्पण केले. त्याने ऑस्ट्रेलियाविरुद्ध पहिला टी -२० सामना खेळला होता. प्रथम श्रेणी आणि रणजी कारकीर्दीबद्दल बोलायचं झालं तर इशांतने २००७ साली टीम इंडियाचा कर्णधार विराट कोहलीसह आपल्या कारकिर्दीची सुरुवात केली.

दोघांची लव्ह स्टोरी एखाद्या प्रेमकथेपेक्षा कमी नाही

इशांत शर्माची प्रेमकथा एखाद्या फिल्मी कथेपेक्षा कमी नाही. इशांत शर्मा यांनी १० डिसेंबर २०१६ रोजी भारतीय महिला बास्केटबॉल खेळाडू प्रतिमा सिंहशी लग्न केले. प्रतिमा सिंग आंतरराष्ट्रीय बास्केटबॉल खेळाडू आहे. ५ बहिणींमध्ये ती सर्वात धाकटी आहे. दोघांच्या पहिल्या भेटीबद्दल, प्रतिमाची मोठी बहीण दिव्या यांनी एकदा सांगितले की २०१३ मध्ये इशांत दिल्ली येथे झालेल्या बास्केटबॉल स्पर्धेत प्रमुख पाहुणे म्हणून आला होता. त्याच वेळी, तो प्रथमच प्रतिमाला भेटला. या सामन्यात प्रतिमाला दुखापत झाली होती आणि ती खेळत नव्हती. तिला स्कोअररची जबाबदारी मिळाली होती. इशांतने तिच्याकडे पाहिले आणि म्हणाला, “इथली स्कोअरर खूपच सुंदर आहे”. जेव्हा इशांत हे म्हणाला, तेव्हा त्याला माहित नव्हते की ही प्रतिमा आंतरराष्ट्रीय स्तराची खेळाडू आहे.

मग येथून दोघांची ओळख झाली आणि बोलणं सुरू झाले. दिव्याने या दोघांविषयी सांगितले होते की, “इशांत जीजू जेव्हा रिकामे असत तेव्हा प्रतिमाचा सामना पाहण्यासाठी येत असत. वर्षभर बोलणं चालूच राहिले आणि या दोघांची मैत्री आणखी वाढली.” इशांतशी लग्न होण्यापूर्वीची गोष्ट सांगताना त्याची पत्नी प्रतिमाने एकदा सांगितले होते की, पहिल्या भेटीतच मला इशांतचा स्वभाव आवडला होता. पहिल्या भेटीनंतर त्याने माझा संपूर्ण सामना पाहिला होता. आमची मैत्री तिथूनच सुरू झाली आणि काही महिन्यांतच मैत्रीचे रुपांतर प्रेमात झाले आणि मग २०१६ साली आमचं लग्न झालं.

कशी आहे इशांत शर्माची आतापर्यंतची कारकीर्द

इशांतने आतापर्यंत ९७ कसोटी सामने खेळले आहेत आणि या ९७ सामन्यांत त्याने २९७ बळी घेतले आहेत. लॉर्ड्सच्या मैदानावर इंग्लंडविरूद्ध त्याने सर्वाधिक चांगली कामगिरी केली असून त्यात त्याने ७४ धावा देऊन ७ विकेट घेतल्या. त्याचबरोबर एकदिवसीय क्रिकेटमध्ये इशांतच्या वेगवान आणि स्विंगच्या गोलंदाजीमुळे विरोधी संघातील फलंदाजांना आश्चर्यचकित केले. इशांतने ८० एकदिवसीय सामने खेळले आहेत आणि ११५ विकेट्स घेतल्या आहेत. त्याचबरोबर टी -२० मध्येही त्याने चांगली कामगिरी केली आहे. इशांतने १४ टी -२० सामन्यांत ८ बळी घेतले आहेत.

‘लम्बू’ च्या नावाने ओळखले जाते

२ सप्टेंबर १९८८ रोजी जन्मलेल्या इशांतची ओळखही उंच उंचीमुळे झाली. त्याची उंची ६ फूट ४ इंच असल्यामुळे इशांतला जागतिक क्रिकेटमध्ये ‘लंबू’ म्हणून ओळखले जाते. सहकारी क्रिकेटपटू त्याला ड्रेसिंग रूममध्ये त्याच नावाने आवाज देतात.