Marathi Gappa A digital platform for Social Collaboration
छत्रपती शिवाजी महाराजांच्या जिवनावर ‘सैराट’ चित्रपटाचे दिग्दर्शक नागराज मंजुळे यांच्या महत्वाकांक्षी बहुभाषिक प्रोजेक्टचे शुटिंग या वर्षाच्या अखेरीस सुरू होईल आणि तीन चित्रपटांपैकी पहिला चित्रपट २०२१ मध्ये प्रदर्शित होईल. ह्या चित्रपटात लोकप्रिय अभिनेता रितेश देशमुख काम करणार असून त्याच्या चित्रपट कंपनीमध्ये हा चित्रपट बनत आहे. रितेशने या प्रकल्पाबद्दल काही आठवड्यापूर्वी सांगितले. रितेशने सांगितले कि चित्रपट बर्‍याच भाषांमध्ये असेल. तो आपला बॅनर ‘मुंबई फिल्म कंपनी’मध्ये बनवित आहे आणि त्यासोबतच तो या चित्रपटात छत्रपती शिवाजी महाराजांची भूमिका साकारतानाही दिसणार आहे. त्यात संगीतकार अजय-अतुल हे त्याचे संगीत देतील, जे मंजुळेच्या प्रत्येक चित्रपटात सोबत असतात.
आपल्या आगामी “बागी ३” या चित्रपटाच्या प्रमोशनल कार्यक्रमात मीडियाशी बोलताना रितेश म्हणाला, “आतापर्यंत या प्रकल्पात नागराज मंजुळे, (संगीतकार जोडी) अजय-अतुल आणि मी फक्त तीनच लोक गुंतले आहोत. आम्हाला वाटत आहे की हा चित्रपट तयार करण्यात आम्ही ताळमेळ निर्माण करू. आम्हाला काहीतरी वेगळे आणि थरारक करायचे आहे, पुढे बघूया.” रितेश पुढे म्हणाला, “सामान्यत: आम्हाला ते हिंदी आणि मराठीमध्ये बनवायचे आहे, परंतु त्याच वेळी आम्ही निश्चितपणे इतर भाषांमध्येही बनवण्याचा विचार करू. चित्रपट निर्मितीनंतर, जर लोकांना असे वाटत असेल की ते इतर राज्यात बनवले जाईल. तर आम्ही असे करण्याचा प्रयत्न करू शकतो कारण शिवाजी महाराजांचे वडील (शहाजी भोसले) पूर्वी कर्नाटकात राहत असत. तेथे बरेच किल्ले आहेत आणि तेलगू मध्ये देखील सर्व भागात त्यांचे राज्य होते.”
हा चित्रपट तीन भागांमध्ये बनवण्यात येईल. पहिल्या भागाचे शीर्षक ‘शिवाजी’ असेल असे सांगितले जात आहे, ज्यात छत्रपती शिवाजी महाराजांच्या जीवनाचे प्रारंभिक दिवस दर्शविले जातील. ‘राजा शिवाजी’ हा दुसरा भाग मराठा साम्राज्याच्या स्थापनेच्या कालावधीचे वर्णन करेल. तिसरा भाग ‘छत्रपती शिवाजी’ असेल त्यात भारतातील त्यांचे सर्वांगीण वर्चस्व दर्शवेले जाईल. दिग्दर्शक नागराज मंजुळे आणि अभिनेता रितेश देशमुख हि जोडगोळी असली म्हणजे काहीतरी खास असणारच. आणि त्यातही महाराष्ट्राचे आराध्य दैवत छत्रपती शिवाजी महाराज ह्यांच्या जीवनावर चित्रपट म्हणजे प्रेक्षकांसाठी मेजवानीच. प्रेक्षकही उत्सुकतेने ह्या चित्रपटाची वाट पाहत आहेत.
